Joschi Closchi's Gedanken zur Zeit.
(am Wiehnachtszauber 2008)
Ich bin en Clochard - wie mer weiss
und mache Marroni - Marroni ganz heiss
ich bi vo do - vo Lache am See
bi Gsund, ha Zyt und bruche nöd meh.
Dänn öppis wo mir z'dänke git,
s'hät niemer me für niemer Zyt.
Dä Satz wo'mer hütt am meischte g'hört
isch dä wo mich am meischte stöhrt.
Ich ha kä Zyt ....ich cha nöd choo
Ich ha kä Zyt ....ich muess wieder goh
Ich ha kä Zyt ....zum ä chli rede
Ich ha kä Zyt ....seit jedi und jede.
Und frogsch en Räntner:"Chunnsch au mit?"
Isch d'Antwort klar, kä Zyt, kä Zyt!!
:::::::::::::::::::::
Doch s'chunnt die Zyt - und das isch guet
wo mer merkt was Zyt bedüte tuet
Nöd Gold und Silber scho gar nöd Gält
isch nämmli s'choschtbarscht uf dä Wält
Nei - irgendwänn dä goht's Berg ab
und dänn wird Zyt halt würkli knapp.
Dä chönnt mer au vom riichschte Maa
für es bizzli Zyt - alle Riichtum haa.
Drum wünsch ich Ihne jetzt alli Zyt vo däre Wält.
Und gnüssed Sie die Zyt jetzt, nöd erscht wänn Sie merked wie knapp sie wird!
